佢係樹蔭入面，我真係睇佢唔到....
除埋太陽眼鏡都一樣，剩係睇到樹枝....
人哋係度卡察卡察咁影，我仲係度搵緊佢....
唔係之後有人話佢係垂低嘅樹枝度，人哋影到佢飛走，我都可能見唔到佢....
又熱，又多蚊，又搵唔到雀影，索性返去睇下佢仲係唔係度。
等咗一陣，佢竟然飛去光位，仲要超近....
不過我影唔到，佢好快又飛遠少少，不過都仲係光位，點都好過樹蔭。
時間又過咗一個鐘，我哋就快要返上船，又試下見唔見到佢，果然佢仲係度。
見佢飛咗去樹枝度，諗住走去另一邊可以近啲影，走緊上去嘅時候被人叫停....
原來佢係正我頭頂附近，我都睇佢唔到....
好在無被我嚇走佢啫....
都唔知係睇得多電腦，定係自己老花睇唔到近野....
之後佢再飛返去光位，影埋之後就上返船喇。
發表文章
沒有留言:
張貼留言
注意：只有此網誌的成員可以留言。